ދިވެހި ސިފައިންގެ ހިދުމަތަށް ދިގު މުއްދަތަށް ހިދުމަތްކުރެއްވި، މޭޖާ ޖެނެރަލް ވައިސް ވަހީދުއާއި މޭޖާ ޖެނެރަލް ހާމިދު ޝަފީޤު ހިދުމަތުން ރިޓަޔާކުރައްވައިފިއެވެ.
އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ ހާމިދު ޝަފީގަކީ 33 އަހަރަށްވުރެ ގިނަ ދުވަހު ސިފައިންގެ ހިދުމަތުގައި މަސައްކަތް ކުރެއްވި ބޭފުޅެއް ކަމަށާއި، ވައިސް ވަހީދަކީ 34 އަހަރު ހިދުމަތް ކުރައްވާފައިވާ ބޭފުޅެއް ކަމަށެވެ.
ހާމިދު ސިފައިންގޭގައި މަސައްކަތް ކުރައްވަމުން ގެންދެވީ 1990, މާޗް 11 އިން ފެށިގެންނެވެ. ރިޓަޔާ ކުރެއްވިއިރު ހުންނެވީ ކޮމާންޑަންޓް އެމްއެމްޑީއެފް ސާވިސް ކޯޕްސްގެ މަގާމުގައެވެ.
ވައިސް ވަހީދު ސިފައިގެ ހިދުމަތާއި ގުޅިވަޑައިގަތީ 19 ޖޫން 1989 ގައެވެ. ވައިސް ރިޓަޔާ ކުރެއްވި އިރު، އޭނާއަކީ މެރިން ކޯގެ ކޮމާންޑިން އޮފިސަރެވެ.
މޭޖާ ޖެނެރަލް ރޭންކަކީ ސިފައިންގޭގެ ރޭންކުތަކުގެ ތެރެއިން ތިން ވަނައަށް އެންމެ މަތީ ރޭންކަށް ވީއިރު އެ ދެ ބޭފުޅުން މޭޖާ ޖެނެރަލްގެ މަގާމަށް ޕްރޮމޯޓު ކުރައްވާފައިވަނީ މިއަހަރުގެ މާޗު މަހުގެ ތެރޭގައެވެ.