ޕޮލިސް ބޯޑު ގެ ބައެއް މެންބަރުން ވަކިކޮށް، ޕޮލިސް ބޯޑަށް އާ މެންބަރުންތަކެއް ރައީސް ޑރ. މުހައްމަދު މުއިއްޒު މިއަދު އައްޔަންކުރައައްވާ ޕޮލިސް ބޯޑަށް ބަދަލެއް ގެންނަވައިފިއެވެ.
ވަކި ކުރީ ކުރިން އެ ބޯޑުގައި ތިއްބެވި އަހުމަދު ޝަރީފާއި އަލީ ނަސީރު ގާސިމް އާއި އަހުމަދު އަޒީމް އާއި އަހުމަދު ސައީދެވެ. އަލަށް އައްޔަން ކުރީ، މ. ހަޒާރީވިލާ، އަހުމަދު ފަޔާޒް އާއި ލަންކާ ސަފީރަކަށް ހުންނެވި އަލީ ފާއިޒް އާއި މއ. ގޯލްޑަން މޫން، އަހުމަދު ނާޝިދާއި ގ. ޑިމްލައިޓް، އާދަމް އިބްރާހިމެވެ.
ދިވެހި ފުލުހުންގެ ހިދުމަތުގެ ގާނޫނު ގެ 75 ވަނަ މާއްދާގެ (ހ) ގެ ދަށުން އުފައްދާފައިވާ މި ބޯޑަށް އައްޔަންކޮށްފައިވަނީ ކުރީ ރައީސް އައްޔަން ކުރައްވަންޖެހޭ މެމްބަރަކާއި މިނިސްޓަރުގެ ލަފާގެ މަތިން ރައީސް އައްޔަން ކުރަންޖެހޭ، ފަންނީ ދާއިރާއަކުން ތައުލީމާއި ތަޖުރިބާ ލިބިފައިވާ މަގާމަށް ތިން މެމްބަރުންނެވެ.
މި ބޯޑުގެ މަސްއޫލިއްޔަތަކީ ކޮމިޝަނަރާއި ޑެޕިއުޓީ ކޮމިޝަނަރު އައްޔަންކުރުމުގައި އެ މަގާމަށް އެކަށޭނެ ފަރާތެއް ވަޒަންކުރުމަށް ކުރަން ޖެހޭ ކަންތައްތައް ކުރުމާއި ލަފާދޭން ޖެހޭ ކަންކަމުގައި ވަޒީރަށާއި ގާނޫނުގައި ލަފާދިނުމަށް ކަނޑައަޅައިފައިވާ ފަރާތްތަކަށް ލަފާ ދިނުމެވެ.
