މަހުގެ އަގު ކުޑަކުރުމަށާއި، އަދި މަސްވެރިންނަށް ދޭންޖެހޭ ފައިސާ ދިނުމާއި ގުޅޭގޮތުން އިއްޔެގެ ކެބިނެޓް ބައްދަލުވުމުގައި މަޝްވަރާ ކޮށްފިއެވެ.
އިއްޔެގެ ކެބިނެޓް ބައްދަލުވުމަށްފަހު ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ނާޒިމް ވިދާޅުވީ މަސްވެރިންނަށް މިހާރު ނުދެވި ހުރި ފައިސާ ދައްކައި ނިންމާނެ ގޮތަކާއި މެދު އިކޮނޮމިކް ކައުންސިލްގައި މަޝްވަރާ ކުރެވިފައިވާ ކަމަށާއި އެކަން ކުރުމަށްފަހު މަހުގެ އަގަށް ބަދަލު ގެނައުމަށް ވެސް މަޝްވަރާ ކުރެވުނު ކަމަށެވެ.
ނާޒިމް ވިދާޅުވީ އެގޮތުން ފިނިކުރި މަހުގެ އަގު 20 ރުފިޔާ އަދި ފިނި ނުކުރާ މަހުގެ އަގު 15 ރުފިޔާއަށް ބަދަލުކުރުމުގެ މަޝްވަރާތައް ވެސް ކުރިއަށްދާނެ ކަމަށެވެ. އަދި މިކަންކޮށް ނިންމުމަށް ފަހު ފިނި ކުރި މަހުގެ އަގު 20ރ. އަށް ބަދަލުކޮށް އަދި ފިނި ނުކުރާ މަސް 15ރ. އަށް ބަދަލުކުރުމުގެ މަޝްވަރާތައްވެސް ކުރެވިފައި ވަނީ.ނާޒިމް ވިދާޅުވިއެވެ.
