ރޭ ނިމިގެންދިޔަ، 16 ވަނަ ގައުމީ ބާސްކެޓްބޯޅަ ލީގުގެ ދެ ވަނަ ޑިވިޝަންގެ ޗެމްޕިއަންކަން ޓަލޮންސް ބާސްކެޓްބޯޅަ ކުލަބުން ހޯދައިފި އެވެ.
ޓޭލަންސް ލީގުގެ ޗެމްޕިއަންކަން ހޯދީ ލީގުގެ ފަހު މެޗުގައި ރޯޔަލްސް ބާސްކެޓްބޯޅަ ކުލަބު 70-64 އިން ބަލިކޮށްގެންނެވެ. ލީގުގެ ފުރަތަމަ ބުރުގައިވެސް ރޯޔަލްސް އަތުން ޓޭލަންސް ވަނީ މޮޅުވެފަ އެވެ.
ޗެމްޕިއަންކަން ކަނޑައަޅަން ކުޅުނު މެޗުގެ ފުރަތަމަ ދެ ކުއާޓާވެސް ފެނުނީ ވަރަށް ވާދަވެރިކޮށެވެ. ދެ ޓީމުންވެސް އެއްވާނެއްގައި ކުޅެ ދެ ކުއާޓާ ނިމުނުއިރު ހިފަހައްޓާލި އެވެ. ސްކޯ އަށް ބަލާއިރު، 14-13 އިން ފުރަތަމަ ކުއާޓާ ނިމުނުއިރު، ދެ ވަނަ ކުއާޓާ ނިމުނީ 27-26 އިން ޓޭލަންސް ކުރީގައި އޮވެގެންނެވެ.
ތިން ވަނަ ކުއާޓާގައި ނިކުމެ ރޯޔަލްސް އިން ކުޅުން ވަރުގަދަކޮށް ލީޑު ނަގައި މެޗުގައި އިތުބާރު ހޯދި އެވެ. ހަތަރު ވަނަ ކުއާޓާ ފެށިއިރު، 44-49 އިން ލީޑުގައި އޮތީ ރޯޔަލްސް އެވެ. ނަމަވެސް ހަތަރު ވަނަ ކުއާޓާގެ ކުރީކޮޅު ޓޭލަންސް އިން ވަނީ ޑިފެންސްގަައި މޮޅު ކުޅުމެއް ދައްކައި 70-64 އިން މެޗު ކާމިޔާބުކޮށްފަ އެވެ.
